Skip to Content

Fundur með erindi

Tími: 
25. mars 2010 - 16:30
Staðsetning: 
Stofa M1.08 í nýrri byggingu Háskólans í Reykjavík við Nauthólsvík

Fyrir fundinn mun Magnús Már Halldórsson leiða áhugasama um ný húsakynni Háskólans í Reykjavík. Mun sú leiðsögn hefjast kl. 16:30 og að henni lokinni verður boðið upp á veitingar að hefðbundnum hætti.

Klukkan 17:15 flytur svo Úlfar Stefánsson erindi sem hann nefnir: Almennt um þverstæðar margliður og sérstaklega um Müntz margliður.

Aðalfundur 2010

Tími: 
6. janúar 2010 - 16:00
Staðsetning: 
Stofu 11 í Menntaskólanum við Hamrahlíð

Á dagskrá fundarins verða hefðbundin aðalfundarstörf.

Jólafundur 2009

Tími: 
28. desember 2009 - 16:00
Staðsetning: 
Skólabæ, Suðurgötu 26

Jólafundur félagsins hefur í gegnum tíðina mótast af hinu alíslenska jólaboði. Auk þess að drekka kaffi og súkkulaði og borða smákökur hafa félagsmenn hlýtt á óformlegt erindi. Að þessu sinni mun Benedikt Jóhannesson segja frá Eystrasaltskeppninni. Við hvetjum alla til að mæta, sérstaklega þá félagsmenn sem hafa aðsetur í útlöndum.

Styrkir fyrir nýdoktora

14. október 2009 - 9:26 — Jóhann Sigurðsson

Mittag-Leffler stofnunin auglýsir styrki fyrir nýdoktora í tengslum við áherslusvið stofnunarinnar 2010-2011. Haustið 2010 er það „Quantum information theory“ og vorið 2011 er það „Algebraic geometry with a view towards applications“.

Sömu leiðis auglýsir IHES styrki fyrir nýdoktora.

Ráðstefna og námskeið um stærðfræðikennslu

3. júní 2009 - 15:12 — Jóhann Sigurðsson

Dagana 15.-16. október verður ráðstefnan „Challenges in teaching mathematics: Becoming special for all“ haldin í húsnæði Menntavísindasviðs HÍ við Stakkahlíð. Í tengslum við hana verður námskeiðsdagur fyrir kennara14. október. Frestur til að skila inn erindum er til 30. júní. Skráning fer fram á vef ráðstefnunnar http://stofnanir.hi.is/norsma/ og þar er tengill fyrir skráningu erinda.

Ráðstefna um sögu stærðfræði

2. júní 2009 - 11:19 — Jóhann Sigurðsson

Dagana 21. – 23. júní verður haldin alþjóðleg ráðstefna um sögu stærðfræðimenntunar á vegum Rannsóknarstofu um stærðfræðimenntun, Menntavísindasviði Háskóla Íslands. Ráðstefnan verður haldin í Fjölbrautaskólanum í Garðabæ. Á ráðstefnunnni flytja meðal annarra fjórir íslenskir fræðimenn erindi ásamt mörgum hinna þekktustu erlendu fræðimenna á þessu sviði. s.s. Jeremy Kilpatrick og Bernard Hodgson, aðalritari ICMI, International Commission on Mathematics Instruction.

Fundur með erindi

Tími: 
7. maí 2009 - 16:45
Staðsetning: 
Stofa 158 í VR-II, Hjarðarhaga 6

Fundurinn hefst með veitingum að hefðbundnum hætti frá kl. 16:45.

Að þeim loknum, eða kl. 17:15, flytur Sigurður Hannesson erindi sem hann nefnir: Útsetningarfræði umraðanagrúpa.

Ágrip: Farið verður yfir grundvallaratriði útsetningarfræða umraðanagrúpa í kennitölu 0 og p.

Fundur með erindi

Tími: 
16. apríl 2009 - 16:45
Staðsetning: 
Stofa 155 í VR-II, Hjarðarhaga 6.

Fundurinn hefst með veitingum að hefðbundnum hætti frá kl. 16:45.

Að þeim loknum, eða klukkan 17:15, flytur Edmund Harriss erindi sem hann nefnir: Some aspects of the Penrose tiling.

The Penrose tiling was discovered in the 1970s and is one of the simplest known sets of Aperiodic tiles. These are sets of tiles which tile the plane only in a non-periodic manner. It is also very beautiful as it has a five fold rotational symmetry.

Alþjóðaþing stærðfræðinga 2010

19. mars 2009 - 10:23 — Jóhann Sigurðsson

Fyrir þá sem hugsa langt fram í tímann, þá mun næsta alþjóðaþing stærðfræðinga verða haldið í Hyderabad á Indlandi, 19-27 ágúst 2010.

25. norræna og 1. bresk-norræna stærðfræðinaþingið

4. mars 2009 - 10:33 — Jóhann Sigurðsson

Dagana 8.-11. júní verður 25. norræna og 1. bresk-norræna stærðfræðinaþingið haldið í Osló.

Um er að ræða almennt stærðfræðinaþing sem er skipulagt af stærðfræðafélögum Danmerkur, Finnlands, Íslands, Noregs og Svíþjóðar auk stærðfræðafélögum Lundúna og Edinborgar.

Þingið er skipulagt þannig að á morgnana munu verða 50 mínútna fyrirlestrar, alls 11 talsins. Á eftirmiðdögunum verða síðan 7 samhliða fyrirlestraraðir. Frekari upplýsingar um dagskrá þingsins munu birtast á vef þess.

Syndicate content


by Dr. Radut.