Stjórn Minningarsjóðs Hjalta Þórs Ísleifssonar stærðfræðings auglýsir eftir umsóknum um styrki í sjóðinn.

Minningarsjóður Hjalta Þórs Ísleifssonar var stofnaður í upphafi árs 2024 af Heiði Hjaltadóttur, móður Hjalta Þórs, en hann féll frá 15. desember 2023. Tilgangur sjóðsins er að hvetja efnilega stærðfræðinema til dáða og gefa þeim tækifæri til framhaldsnáms í stærðfræði.

Nemendur sem lokið hafa kröfum fyrstu tveggja námsára í stærðfræði við Háskóla Íslands eiga kost á að sækja um styrki í sjóðinn.

Helgina 18.-19. október verður haldin stærðfræðiráðstefna á vegum félagsins á Reykjum í Hrútafirði. Dagskráin hefst um hádegi á laugardegi og lýkur um kaffileytið á sunnudegi.

Þátttökugjald er 28.000 kr og innifalið í gjaldinu er einnig kaffi og með því í hléum, hádegismatur á laugardegi og sunnudegi, kvöldverður á laugardagskvöldi og morgunmatur á sunnudeginum. Við vekjum athygli á því að drykkir eru ekki seldir á staðnum en þátttakendum er heimilt að taka þá með.

Fimmtudaginn 28. nóvember mun Stefanía Benónísdóttir, nýdoktor við Háskóla íslands halda fyrir lestur um erfðir þátttöku í rannsóknum. Fyrirlesturinn hefst 17:00 í stofu V-157, VR-II, Háskóla Íslands. Eins og venja er mun vera heitt á könunni frá 16:30.

Titill: "Erfðir þátttöku í rannsóknum" (E: The genetics of participation")

Forkeppni stærðfræðikeppni framhaldsskólanema fór fram 3. október 2024 í framhaldsskólum landsins. Í ár tóku 204 nemendur þátt, 135 á efra stigi og 65 á neðra stigi, og komu þeir úr 14 framhaldsskólum.

Föstudaginn 11. október voru þeim 15 efstu á neðra stigi og 24 efstu á efra stigi veitt viðurkenningarskjöl auk þess sem þremur efstu þátttakendunum og hvoru stigi fengu bókaverðlaun. Þessum 39 þátttakendur er boðið að taka þátt í úrslitakeppninni næsta vor.